Dəniz Tacəddin Baku TV-nin “Yeni Bir Səhər” proqramında aparıcı kimi fəaliyyətə başlayıb

Baku TV-nin tamaşaçılar tərəfindən sevilən səhər proqramı “Yeni Bir Səhər” aparıcı heyətini daha da gücləndirir. Televiziya təcrübəsi ilə tanınan aktrisa Dəniz Tacəddin rəsmi olaraq proqrama aparıcı kimi qoşulub. Bakı Musiqi Akademiyası məzunu olan Tacəddin, aparıcılıq fəaliyyəti ilə yanaşı, aktrisa kimi də uğurlar qazanıb; xüsusilə çəkildiyi “Tağıyev” filmi ilə diqqət mərkəzindədir. Onun peşəkarlığı 2024-cü ildə Türkiyədə keçirilən 50-ci "Altın Kelebek" mükafatında “Azərbaycanın Parlayan Ulduzları” nominasiyasında qələbə qazanması ilə təsdiqlənib. Baku TV bu yeni transferlə operativ xəbərləri və müəllif proqramlarını izləyicilərə daha peşəkar komanda ilə çatdırmağı hədəfləyir.