ABŞ-nin vitse-prezidentinin Azərbaycana səfərinin tarixi məlum olub - Baku TV

ABŞ-nin vitse-prezidenti Cey Di Vensin Azərbaycana səfərinin tarixi məlum olub.

Belə ki, Cey Di Vens 10-11 fevral tarixlərində ölkəmizə gələcək. Bu barədə Vensin mətbuat katibi mediaya açıqlamasında məlumat verib.

Bildirilir ki, Cey Di Vens 9-10 fevral tarixlərində Ermənistana, 10-11 fevral tarixlərində isə Azərbaycana səfər edəcək.

Qeyd edək ki, ABŞ dövlət katibinin iqtisadi məsələlər üzrə müavini Ceykob Helberq Azərbaycan səfəri zamanı vitse-prezident Cey Di Vensi müşayiət edəcək. Cey Di Vens və Ceykob Helberqin Ermənistan və Azərbaycana səfəri ABŞ administrasiyasının sülh səylərinin, eləcə də "Beynəlxalq sülh və rifah naminə Tramp marşrutu" təşəbbüsünün təşviqinə yönəlib.