ADSEA-nın rəqəmsal xidmətləri bu platformaya inteqrasiya edilir | Əhalinin nəzərinə - Baku TV

Prezident İlham Əliyev tərəfindən təsdiq edilmiş rəqəmsal inkişafın sürətləndirilməsinə dair 2026–2028-ci illər üçün Fəaliyyət Planının icrası istiqamətində Dövlət Su Ehtiyatları Agentliyi ardıcıl və məqsədyönlü tədbirlər həyata keçirir.

Rəqəmsal dövlət xidmətlərinin “bir pəncərə” prinsipi ilə təqdim olunması üzrə görülən tədbirlər çərçivəsində mayın 12-dən etibarən “e-Su” mobil tətbiqi fəaliyyətini dayandıracaq və rəqəmsal xidmətlər artıq “mygov” platformasında əlçatan olacaq.

Qeyd edək ki, “mygov” bütün dövlət xidmətlərini tək bir mərkəzdə birləşdirərək vətəndaşlara vahid platforma kimi xidmət göstərir. Bu yanaşma vətəndaşların dövlət xidmətlərinə daha operativ və rahat çıxışını təmin edir.