Azərbaycan tərəfi faktiki olaraq… | Qaqik Minasyandan atəşkəsin pozulması ilə bağlı açıqlama

“Azərbaycan Müdafiə Nazirliyinin atəşkəsin pozulması ilə bağlı dezinformasiyası sərhəddə vəziyyətin ciddi şəkildə gərginləşməsi təhlükəsini göstərir”.

Bu absurd açıqlama sədri Serj Sarqsyan olan Ermənistan Respublika Partiyasının İdarə Heyətinin üzvü Qaqik Minasyandan gəlib.

“İstənilən şəraitdə ən pisə, yəni eskalasiyaya hazırlaşmaq lazımdır. Yalnız bu halda ən mənfi nəticələrin qarşısını almaq mümkün olacaq. Mən özüm də inanıram ki, Azərbaycan tərəfi faktiki olaraq regionun partlayacağı təqdirdə əldə edə biləcəyi imkanları nəzərə alaraq yeni eskalasiya üçün əsas yaradır.

Bildiyiniz kimi, İran-İsrail münaqişəsi yeni mərhələyə keçib və istisna olunmur ki, həm Türkiyə, həm də Azərbaycan bu fürsətdən istifadə edib Sünik istiqamətində məsələni həll etməyə çalışacaqlar”, – deyə Q.Minasyan bildirib.