Bakıda keçirilən Azərbaycan Din Xadimlərinin II Forumunun əhəmiyyəti açıqlandı - Baku TV

"Ötən il keçirilən Azərbaycan Din Xadimlərinin I Forumundan fərqli olaraq, bu dəfə türk dünyasından, Türkiyə, Özbəkistan və Qazaxıstandan nümayəndə heyətləri iştirak edir".

Bunu Dini Qurumlarla İş üzrə Dövlət Komitəsinin sədr müavini Gündüz İsmayılov Azərbaycan Din Xadimlərinin II Forumu çərçivəsində jurnalistlərə açıqlamasında deyib.

Gündüz İsmayılov bildirib ki, burada yalnız bir dini konfessiyanın nümayəndələri deyil, ölkədə fəaliyyət göstərən bütün dini qurumların xadimləri iştirak edir: "Azərbaycanın yəhudi icmaları, Baha və Krişna şüuru dini icmaları kimi kiçik icmalar da forumda iştirak edir".

Sədr müavininin sözlərinə görə, daha bir mühüm məqam isə ondan ibarətdir ki, forumda Respublikanın bütün bölgələri təmsil olunub: "Burada yalnız islam icmaları deyil, Azərbaycanın bölgələrində fəaliyyət göstərən qeyri-islam dini icmaları da iştirak edir".