Əli Əsədov Qətərin Azərbaycandakı səfirliyində olub, başsağlığı verib - Baku TV

Baş nazir Əli Əsədov iyulun 15-də Qətər Dövlətinin ölkəmizdəki səfirliyində olub.

Nazirlər Kabinetinin mətbuat xidmətindən verilən məlumata görə, Əli Əsədov Qətər Dövlətinin görkəmli dövlət xadimi Ata Əmir Əlahəzrət Şeyx Həməd bin Xəlifə Al Taninin vəfatı ilə əlaqədar səfirlikdə açılan matəm kitabına ürək sözlərini yazıb, Qətərin Azərbaycandakı səfiri ilə söhbət edərək başsağlığı verib.

Xatırladaq ki, Qətərin keçmiş əmiri Şeyx Həməd bin Xəlifə Al Tani iyulun 12-də 74 yaşında dünyasını dəyişib. 1995-ci ildən 2013-cü ilə qədər Qətər Əmiri vəzifəsini icra edən Şeyx Həməd bin Xəlifə Al Tani 2013-cü ildə hakimiyyəti oğlu Şeyx Təmim bin Həməd Al Taniyə təhvil vermişdi.