Ermənistan-Azərbaycan sərhədində son vəziyyət: Paşinyan danışdı

“Ermənistan-Azərbaycan sərhədində heç bir gərginlik və ya qoşun cəmləşməsi yoxdur”.

Bunu Ermənistanın Baş naziri Nikol Paşinyan ölkənin İctimai Televiziyasına müsahibəsində deyib.

“Mənə hər gün sərhəddə atəşkəsin pozulması barədə məlumat verilir və son 24 saat ərzində cəmi bir güllə atılıb. Hazırda Ermənistan-Azərbaycan sərhədində gərginlik və ya qoşunların cəmləşməsi müşahidə olunmur”, – deyə N.Paşinyan bildirib.

Baş nazir Rusiyanın Ermənistandakı 102-ci hərbi bazası barədə də danışıb. Onun sözlərinə görə, Rusiyanın hərbi bazasının və sərhədçilərinin Ermənistandakı mövcudluğu ilə bağlı məsələ qaldırılmır.

“Vladimir Putinlə ilk görüşüm zamanı o, mənə dedi ki, Rusiyanın başqa ölkələrin daxili işlərinə qarışdığı barədə tez-tez eşidir. O, bunun doğru olmadığını bildirib. Biz Rusiya ilə bütün gələcək münasibətlərimizi 2018-ci ildə baş tutan ilk görüş əsasında qururuq”, – deyə N.Paşinyan bildirib.