Fərid Şəfiyev Vaşinqtonda imzalanan birgə bəyannamənin əhəmiyyətindən danışdı

“Hazırda ABŞ-nin Cənubi Qafqaz regionuna marağı artıb”.

Bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev noyabrın 18-də Bakıda keçirilən Azərbaycan – ABŞ Beyin Mərkəzlərinin I Forumunda jurnalistlərə açıqlamasında deyib.

Onun sözlərinə görə, bu ilin avqustun 8-də Vaşinqtonda imzalanmış Birgə Bəyannamə ümumilikdə Ermənistan və Azərbaycan arasında normallaşma prosesi, ABŞ və Azərbaycan arasında əlaqlərin inkişafı, o cümlədən Cənubi Qafqazda sülhün bərqərar olmasına xidmət edir:

“Hazırda ABŞ-nin Cənubi Qafqaz regionuna marağı artıb. Təbii ki, bundan istifadə etmək lazımdır. Çünki həm Azərbaycan, həm də ABŞ-nin bunun üçün imkanları var”.