“Müqavilə hüquq bazasının genişləndirilməsi üzərində iş aparılır” | Sahibə Qafarova

“Xüsusən son dövrlərdə Azərbaycanla İspaniya arasında fəal siyasi dialoqun şahidi oluruq”.

Bunu Milli Məclisin sədri Sahibə Qafarova İspaniya Krallığı Deputatlar Konqresinin sədri Fransina Armenqol Sosiasla birgə keçirdiyi brifinqdə deyib.

Spiker sözlərinə əlavə edib: “Bu da ikitərəfli əlaqələrin mövcud vəziyyətinin və gələcək perspektivlərinin ətraflı müzakirəsinə imkan yaradır. Bir sıra istiqamətlər üzrə uğurlu əməkdaşlıq mövcuddur və bu əməkdaşlığın daha da genişləndirilməsi, yeni istiqamətləri də əhatə etməsi üçün yaxşı imkanlar var”.

S.Qafarova həmçinin bildirib ki, müqavilə-hüquq bazasının genişləndirilməsi üzərində iş aparılır:

“Elm, təhsil və mədəniyyət sahələrindəki əməkdaşlıq da olduqca vacibdir. Bu sahələrdə əlaqələrin gücləndirilməsi xalqlarımızın, xüsusən gənclərimizin bir-birini daha da yaxından tanımasına və yaxınlaşmasına imkan yaradacaq”.