Prezident Ermənistan Konstitusiyasında sülhə maneə yaradan məqamı açıqladı - Baku TV

Mən normallaşmanı rəsmi sülh sazişindən ayırardım, çünki normallaşma artıq baş verir.

Bu sözləri Azərbaycan Prezidenti İlham Əliyev Münxendə “France 24” telekanalının müxbirinə müsahibəsində deyib.

“Lakin Ermənistanın Konstitusiyasında Ermənistanın İstiqlaliyyət Bəyannaməsinə istinad var. Orada da “qondarma Dağlıq Qarabağ və Ermənistan birləşməlidir” məzmunlu paraqraf var. Beləliklə, bu, Azərbaycana ərazi iddiasıdır. İkinci Qarabağ müharibəsinin bitməsindən sonra uzun illər ərzində bizim mövqeyimiz çox aydın olub. O dəyişilməlidir. Mən bildiyimə görə, Ermənistan referendum keçirməyi planlaşdırır. Bu olan kimi sülh sazişinin rəsmi imzalanmasına heç bir maneə qalmayacaq”, – İlham Əliyev əlavə edib.