Qərbi Azərbaycanla bağlı tarixi mənbələrə əsaslanan elektron kitab - Baku TV

Yanvarın 16-da Sosial Tədqiqatlar Mərkəzinin təşkil etdiyi “Tarixi yurda qayıdış” konfransı çərçivəsində Milli İrsi Mədəni Tarixi Araşdırmalar Fondu tərəfindən “Əzəli yurd” layihəsi əsasında hazırlanan “Qərbi Azərbaycan sənəd və mənbələrdə” elektron kitabının təqdimatı olub.

Elmi-tədqiqat əsərində Qərbi Azərbaycanda soydaşlarımızın tarixi dövrlərə görə məskunlaşması, İrəvan xanlığının yaranması, onun ictimai-siyasi vəziyyəti, mədəni mühiti, həyata keçirilən islahatlar, inzibati bölgü və idarəetmə quruluşu araşdırılır.

Kitabda həmçinin ermənilərin Qərbi Azərbaycana köçürülməsi, erməni vilayətinin yaradılması və çar Rusiyası dövründə aparılan erməniləşdirmə siyasəti təhlil edilir.

Qeyd edək ki, oxucular “Qərbi Azərbaycan sənəd və mənbələrdə” kitabının elektron versiyasını internet resurslarından əldə edə bilərlər.