"20-dən çox ölkə..." | BTQ-nin təşkil etdiyi beynəlxalq konfransda nələr açıqlandı? - Baku TV

“Bugünkü konfrans, görülən işlər – sərgi, tarixi faktlar və şahid ifadələri siqhlərin üzləşdiyi qətliamları, insan hüquqlarının pozulmasını və vəhşilikləri göstərəcək”.

Bu sözləri Bakı Təşəbbüs Qrupunun icraçı direktoru Abbas Abbasov Bakıda “Hindistanda siqhlərə və digər azlıqlara qarşı irqçilik və zorakılıq: mövcud reallıqlar” mövzusunda keçirilən beynəlxalq konfransda söyləyib.

O bildirib ki, son iki il ərzində təşkilat dünyanın müxtəlif ölkələrində 35-dan çox yüksəksəviyyəli beynəlxalq konfrans keçirib. Bu tədbirlər siyasi liderləri, alimləri, hüquq mütəxəssislərini, müstəqillik hərəkatlarının nümayəndələrini, vətəndaş cəmiyyəti institutlarını və BMT-nin xüsusi məruzəçilərini bir araya gətirib.

Həmçinin qeyd olunub ki, BTQ 20-dən çox ölkə və dənizaşırı ərazi ilə əməkdaşlıq əlaqələri qurub, 25-dən artıq təşkilat və beynəlxalq institutla tərəfdaşlıqlar formalaşdırıb.