Tbilisidə kritik üçtərəfli görüş | Nələr müzakirə olundu?

Tbilisidə Gürcüstan, Azərbaycan və Ermənistan Xarici İşlər Nazirliyi rəhbərləri müavinlərinin görüşü başlayıb.

Tədbiri giriş sözü ilə Gürcüstanın xarici işlər naziri Maka Boçorişvili açıb.

Görüşün məqsədinin üçtərəfli əməkdaşlıq prosesinin əsasını qoyacaq mümkün istiqamətlərə dair üç ölkənin baxış və fikirlərini bölüşmək olduğu bildirilib.

Daha sonra jurnalistlərə açıqlama verən nazirin müavini Laşa Darsaliya bildirib ki, görüşdə üçtərəfli əməkdaşlıq imkanları müzakirə olunacaq:

“Üç ölkə üçün maraqlı ola biləcək istiqamətlər müəyyənləşdiriləcək, mümkün əməkdaşlıq istiqamətləri müəyyən ediləcək ki, region ölkələri bir sıra məsələlərə birgə yanaşmaları inkişaf etdirə bilsinlər. Bu, bugünkü müzakirənin əsas istiqaməti olacaq”.