Türkiyə rəsmən açıqladı | İstanbul-İrəvan-İstanbul uçuşları bu tarixdən başlayır - Baku TV

Türkiyə və Ermənistan arasında aviareyslərin sayı artırılır.

Türk Hava Yolları 11 mart 2026-cı ildən etibarən İstanbul-İrəvan-İstanbul marşrutu üzrə gündəlik uçuşlar həyata keçirməyə başlayacaq.

Bunu Türkiyənin Ermənistanla münasibətlərin normallaşdırılması üzrə xüsusi nümayəndəsi Sərdar Kılıç "X" sosial şəbəkəsində yazıb.

O, bu qərarı Ermənistan-Türkiyə münasibətlərinin normallaşdırılması istiqamətində daha bir addım kimi xarakterizə edib.

Qeyd edək ki, Ermənistan və Türkiyə arasındakı quru sərhədi 1993-cü ildən bağlı olsa da, iki ölkə arasında hava nəqliyyatı heç vaxt tamamilə dayandırılmayıb. Müxtəlif aviaşirkətlər İrəvan və İstanbul arasında müntəzəm reyslər həyata keçirib, lakin əvvəllər bu uçuşlar gündəlik olmayıb.