ABŞ-li analitik antiterror tədbirlərindən və reinteqrasiya prosesindən danışdı

“Azərbaycanın bir gün ərzində illər boyu uzanan münaqişənin həll yolunu tapması, tərəflərin danışıqlar masası arxasında əyləşə bilməsi böyük uğurdur. Qarabağ probleminin həll olunması region üçün böyük irəliləyişdir”.

Bunu ABŞ-li analitik İrina Tsukerman Qarabağda baş verən son proseslərə münasibət bildirərkən deyib.

O qeyd edib ki, illər öncə azərbaycanlılara qarşı həyata keçirilən etnik təmizləmə siyasəti dünya birliyi tərəfindən qəbulolunmaz fakt kimi təsdiqlənib: "Azərbaycan Silahlı Qüvvələrinin həyata keçirdiyi lokal antiterror tədbirləri birmənalı şəkildə Azərbaycan torpaqlarının suverenliyinin bərpa prinsipini əks etdirirdi. Tərəflərin danışıqlar apararaq gərginliyi həll etmək istəyi bu münaqişənin həllində yeni bir mərhələyə keçid kimi qəbul olunur. Tezliklə reinteqrasiya prosesinin də uğurla yekunlaşacağını düşünürük. Bununla Azərbaycan bir daha bütün dünyaya “Qarabağ Azərbaycandır” mesajını ötürmüş oldu".