ABŞ-nin Azərbaycan və Ermənistanla bağlı məqsədi açıqlandı

ABŞ-nin İrəvan-Bakı münasibətlərində yeganə məqsədi sülhü qorumaqdır.

Bunu ABŞ Dövlət Departamentinin sözçüsü Metyu Miller brifinq zamanı Rusiya xarici işlər naziri Sergey Lavrovun “BMT Nizamnaməsinin prinsiplərinə tam şəkildə riayət etmək və qarşılıqlı əlaqə beynəlxalq sülhün, sabitliyin açarıdır” adlı məqaləsində yer alan fikirlərinə münasibət bildirərkən deyib.

“Bu fikirlər tamamilə yanlışdır. Cənubi Qafqazda, Ermənistanla Azərbaycan arasında münasibətlərdə yeganə məqsədimiz davamlı sülh və sabitliyi təmin etmək və təbii ki, Qarabağ əhalisinin humanitar ehtiyaclarının və hüquqlarının qorunmasına nail olmaqdır”, – o vurğulayıb.

Qeyd edək ki, S.Lavrov bildirib ki, ABŞ və Avropa İttifaqı Cənubi Qafqazda qeyri-stabillik toxumu səpməyə davam edir. Əlavə edib ki, Rusiyanın Qarabağdakı sülhməramlı kontingenti Cənubi Qafqaz regionunda dinc həyatın bərqərar olmasına töhfəsini verməyə hazırdır.