Pleyeri seçin:
ABŞ Prezidentinin Azərbaycan Liderinə ünvanladığı məktubun detalları
Azərbaycanın və Ermənistanın regiona sülh gətirmək üçün atdığı addımları alqışlayıram.
Bu fikirlər Amerika Birləşmiş Ştatlarının Prezidenti Donald Trampın Azərbaycan Prezidenti İlham Əliyevə Novruz bayramı münasibətilə ünvanladığı təbrik məktubunda yer alıb.
“Novruz hamı üçün sülh, çiçəklənmə və yenilənmə bayramıdır”, – deyən D.Tramp bildirib ki, ölkələrimiz birgə işləmək sahəsində zəngin tarixə malikdir. ABŞ lideri qarşıdan gələn illərdə əldə edə biləcəyimiz möhtəşəm məqamları səbirsizliklə gözlədiyini vurğulayıb.
“Azərbaycanın tərəfdaşımız İsrailə dəstəyini və onunla dostluğunu dəyərləndirirəm. Ölkələrimiz uğurlara doğru sürətlə irəlilədikcə sizinlə işləməyi səbirsizliklə gözləyirəm. Birləşmiş Ştatlar Azərbaycanın suverenliyinin, müstəqilliyinin və ərazi bütövlüyünün sarsılmaz dəstəkçisi olaraq qalır”, – deyə ABŞ Prezidenti Donald Tramp təbrik məktubunda vurğulayıb.
Kopyalandı
#ABŞ teqi istifadə olunub
Seçilmişlər
