Siyasət
Pleyeri seçin:
AŞPA-nın qərəzli münasibətinə qarşı rəsmi qurumlar işçi müzakirə keçirib
Məlum olduğu kimi, Avropa Şurası Parlament Assambleyasının qərəzli siyasətindən sonra Azərbaycan nümayəndə heyəti AŞPA ilə əməkdaşlığı və təşkilatda iştirakını qeyri-müəyyən müddətə dayandırıb.
Trend-in mənbədən əldə etdiyi məlumata görə, AŞPA-nın məlum qərarı ilə bağlı bu günlərdə Prezident Administrasiyası, Milli Məclis və Xarici İşlər Nazirliyinin ekspertlərinin iştirakı ilə işçi müzakirə keçirilib.
Müzakirələrdə AŞPA-da Azərbaycana qarşı qərəzli münasibətə və əsassız ittihamlara cavab olaraq Azərbaycanın təşkilatdan çıxması və Beynəlxalq Məhkəmənin yurisdiksiyasını tanımaqdan imtina məsələsinin siyasi, hüquqi parametrləri müzakirə olunub.
Xatırladaq ki, daha əvvəl AŞPA-nın qərəzli siyasətinə qarşı olaraq Azərbaycanın Avropa Şurasından çıxa biləcəyi ilə bağlı məlumat yayılmışdı. Hazırda isə bu məsələ müzakirə olunur və Azərbaycanın təşkilatdan çıxmaq ehtimalı artır.
Kopyalandı
Seçilmişlər
