ATƏT-in ləğv edilməsi üçün bu ölkələr təklif verməlidir | Zaxarovadan vacib açıqlama

“ATƏT-in Minsk Qrupu bütün institutları ilə beynəlxalq danışıqlar formatı kimi bərpa edilə bilməz”.

Bunu Rusiya Xarici İşlər Nazirliyinin rəsmisi Mariya Zaxarova brifinqdə söyləyib.

“ATƏT-in bütün strukturları ləğv edilməlidir. Bu məsələ ilə bağlı qərar qəbul etməyin optimal yolu Bakı və İrəvanın qeyd olunan qurumların ləğvi ilə bağlı birgə təklifidir. Ermənistan, Azərbaycan, Avropa İttifaqı və Fransanın iştirakı ilə keçirilən sammitdən sonra Ermənistan da Qarabağı Azərbaycanın ayrılmaz hissəsi kimi tanıyıb. Bu, 6 oktyabr 2022-ci ildə Praqada olub. Hər şeyə əlavə olaraq, 2023-cü ilin sentyabrında yer üzündəki vəziyyət kəskin şəkildə dəyişib”, – deyə o bildirib.

M.Zaxarova qeyd edib ki, Minsk Qrupu aktuallığını itirib, burada iki həmsədr fəaliyyətini dayandırıb.

“Belə bir vəziyyətdə ATƏT-in Minsk Qrupundan necə danışmaq olar?”, – deyə sözçü brifinqdə vurğulayıb.