Azərbaycan əleyhinə olan düzəlişlər rədd edildi | Erməni lobbisinin konqresdə məğlubiyyəti

ABŞ Konqresinin Nümayəndələr Palatasında erməni lobbisinin dəstəyi ilə irəli sürülən növbəti anti-Azərbaycan təşəbbüsləri uğursuzluğa düçar olub. Baku TV-nin təqdim etdiyi xəbərə görə, Konqresin Xarici İşlər Komitəsi Kaliforniyalı konqresmen Bred Şerman tərəfindən təklif edilən iki əsas düzəlişi rədd edib. Bu düzəlişlər ABŞ-ın Beynəlxalq İnkişaf Maliyyə Korporasiyasının Azərbaycandakı layihələrə dəstəyini qadağan etməyi və 907-ci düzəlişin dayandırılması ilə bağlı Prezident səlahiyyətlərini ləğv etməyi nəzərdə tuturdu. Siyasi ekspertlər bu qərarı Vaşinqtonun Bakı ilə strateji münasibətlərə verdiyi önəmin və Cənubi Qafqazda sülh prosesini dəstəkləməsinin göstəricisi kimi qiymətləndirirlər. Erməni lobbisinin Konqresdəki növbəti məğlubiyyəti, Azərbaycanın diplomatik uğuru və iki ölkə arasındakı hərbi-siyasi əməkdaşlığın perspektivləri reportajda ətraflı təhlil olunur.