Azərbaycan-Ermənistan arasında yeni dövr başladı | Sizcə, sülh davamlı olacaq?

“Avqustun 8-də Vaşinqtonda imzalanmış bəyannamə nəticəsində Ermənistan və Azərbaycan arasında bərqərar olmuş sülh münasibəti ilə hamınızı təbrik etmək istəyirəm”.

Bunu Ermənistanın Baş naziri Nikol Paşinyan hökumətin iclasında deyib.

Ermənistan hökumətinin başçısı artıq iki ölkə arasında sülh dönəminin başladığını bəyan edib.

“Bu müddət ərzində görülən işlərə görə də hamınıza təşəkkür etmək istəyirəm. Vaşinqtona yola düşməzdən əvvəl hökumət, Təhlükəsizlik Şurası, Ermənistan prezidenti, parlament və regional rəhbərlərin iştirakı ilə biz məsləhətləşmələr, mətn üzrə təhlillər apardıq və belə qənaətə gəldik ki, bu addımı atmalıyıq”, – N.Paşinyan əlavə edib.

Qarşıda görüləcək çox işin olduğunu qeyd edən Baş nazir bunun konstruktiv, dinc və yaradıcı iş olduğunu vurğulayıb:

“Bu addımla yeni inkişaf gündəliyinə qədəm qoymuşuq və buradakı işimizin məzmunu daha böyük olmalıdır. Qarşıda çox iş var”.