Azərbaycan Ermənistana nəfəs almağa imkan verməyəcək | Vardan Oskanyan

“Azərbaycanla sülh sazişi imzaladıqdan sonra Ermənistan daha da çətin vəziyyətə düşə bilər və onların Ermənistan dövlətinin nəfəs almasına imkan verəcəklərinə heç bir təminat yoxdur”.

Bu sözləri Ermənistanın keçmiş xarici işlər naziri Vardan Oskanyan sosial şəbəkə hesabındakı videomüraciətində deyib.

O iddia edib ki, sülh sazişi ilə bağlı danışıqları sırf Ermənistan-Azərbaycan deyil, daha çox Ermənistan-Türkiyə prosesi kimi qəbul edir:

“Son vaxtlar Türkiyə və Azərbaycan bu prosesdə eyni dərəcədə maraqlıdır. Hər iki qonşu dövlətdə güclü şübhə var ki, ermənilər gec-tez revanşa cəhd edəcəklər. Türkiyə və Azərbaycan hesab edir ki, erməni xalqı bu iki dövlətin ərazilərini hələ də öz ata-babalarının tarixi torpaqları hesab edir. Bu, Ankara və Bakıdakı iqtidarları inandırır ki, bir gün Ermənistan uyğun məqam tapsa, onlar üçün təhlükə yaranacaq”.

Oskanyanın fikrincə, məhz buna görə Türkiyə və Azərbaycan sülh müqaviləsi ilə Ermənistanı maksimum sıxışdırmağa çalışacaq:

“İndi hakimiyyətin çoxsaylı uğursuzluqlarını, onun günahı üzündən baş verən fəlakətləri nəzərə alsaq, ağrılı güzəştlər ssenarisini qətiyyən istisna etmək olmaz”, – Oskanyan deyib.