Azərbaycan onlarla ölkəyə hərbi məhsullar ixrac edir | Prezidentdən hərbi sənaye ilə bağlı açıqlama

“Bu gün dünya silah bazarında aparıcı rol oynayan ölkələr öz daxili tələbatını ödəmək üçün çalışırlar. Ona görə də dünya silah bazarında qıtlıq yaranıb. Biz bunu da nəzərə almalıyıq”.

Bu sözləri Prezident İlham Əliyev VII çağırış Milli Məclisin ilk iclasındakı çıxışında deyib.

Dövlət başçısı bildirib ki, bu sahə bizə hərbi-texniki məhsullarımızın ixrac coğrafiyasını genişləndirməyə imkan verəcək:

“Bu gün Azərbaycan onlarla ölkəyə hərbi sənaye kompleksinin məhsullarını ixrac edir və ildən-ilə bu coğrafiya genişlənir”.

İlham Əliyev hərbi sənaye kompleksinin inkişafında iştirak üçün özəl şirkətlərə lisenziya verildiyini əlavə edib.