Azərbaycan QHT-lərindən minaların təmizlənməsinə görə müraciət

Bir sıra QHT nümayəndəsi humanitar minatəmizləmənin sülhün qurulması prosesindəki potensialından istifadəyə çağırışla bağlı beynəlxalq ictimaiyyətə müraciət edib.

Azərbaycan vətəndaş cəmiyyətinin təmsilçiləri BMT-nin Baş katibi, BMT Baş Assambleyasının prezidenti, təşkilatın İnsan Hüquqları Şurasının prezidenti, İnsan Hüquqları üzrə Ali Komissarı, Mina Təhlükəsizliyi Xidmətinin direktoru, Avropa İttifaqı, Avropa Şurası təsisatlarının və bu qurumlara üzv olan ölkələrin rəhbərlərinə, Böyük Britaniya rəhbərliyinə müraciət edərək onları Ermənistanın Azərbaycan ərazisində yaratdığı mina təhlükəsini tezliklə aradan qaldırmağa güclü dəstək verməyə çağırıb.

Müraciətdə beynəlxalq təşkilatların rəhbərləri mina probleminin aradan qaldırılmasında Azərbaycana yaxından dəstək verməyə, Ermənistana təzyiqlər etməyə, mina təhdidinin aradan qaldırılmasında ədalətli mövqe nümayiş etdirməyə çağırılır.