Azərbaycanın Dublindəki ilk fəxri konsulunun təntənəli təqdimat mərasimi keçirilib

Azərbaycanın Dublində ilk fəxri konsulunun təntənəli təqdimat mərasimi keçirilib.

“Bu vəzifə mənim üçün böyük şərəf və əhəmiyyətli məsuliyyətdir. Azərbaycan xalqını İrlandiyada layiqincə təmsil etmək üçün əlimdən gələni edəcəyəm. Keçmiş nazir və senator kimi bu məsuliyyəti dərk edirəm və yeni əməkdaşlıq imkanları yaratmaq üçün çalışacağam”, – deyə fəxri konsul Terri Leyden təqdimat mərasimindəki çıxışında bildirib.

Ölkəmizin Böyük Britaniyadakı fövqəladə və səlahiyyətli səfiri Elin Süleymanov isə bildirib ki, bu təyinat ölkələrimiz arasında körpü rolunu oynayacaq və iqtisadi, mədəni, təhsil sahələrində yeni imkanlar yaradacaq.

İrlandiya Parlamentinin Nümayəndələr Palatasının spikeri Şon Oferghail də fəxri konsulun fəaliyyətinin İrlandiya-Azərbaycan münasibətlərinin daha da inkişafına töhfə verəcəyini vurğulayıb. Sonda Azərbaycan Bayrağı Terri Leydenə təqdim olunub.