Azərbaycanın İrandakı səfirindən paylaşım

Azərbaycanın İrandakı səfiri Əli Əlizadə Tehrandakı səfirliyimizə silahlı hücuma görə məsuliyyət daşıyanların cəzalandırılmasına çağırıb. Bu barədə diplomat feysbuk səhifəsində yazıb.

“Səfirliyimizə edilmiş silahlı hücum nəticəsində dəyərli əməkdaşımız Orxan Əsgərov mühafizəni təmin edərkən qətlə yetirilib, 2 əməkdaşımız isə yaralanıb. Orxan Əsgərovun ailə üzvlərinə və əzizlərinə öz adımdan və səfirliyimizin əməkdaşları adından dərin hüznlə başsağlığı verirəm, Allahdan ona rəhmət, yaralılarımıza isə tezliklə şəfa diləyirəm. Bu acımasız terror aktını qətiyyətlə pisləyir və törədənlərin cəzalandırılmasını tələb edirik. Diplomatik nümayəndəliklər toxunulmazdır və onların mühafizəsi qəbul edən dövlət tərəfindən tam təmin olunmalıdır!”, - deyə səfir qeyd edib.