Azərbaycanın suverenliyini bərpa etməsi kimləri narahat edir? | Vüqar Bayramovdan açıqlama

“Azərbaycanın ərazi bütövlüyünü təmin etməsi bəzi ölkələri və dairələri narahat edib. Azərbaycan torpaqları 30 il ərzində işğal altında qalıb. Ermənistan torpaqlarımızı işğalda saxlamaqla ölkəmizə 100 milyard dollar ziyan vurub. İndi ortada Ermənistanın tamamilə dağıtdığı, digər tərəfdən Azərbaycanın qurduğu ərazilər var”.

Bu sözləri Milli Məclisin plenar iclasında çıxış edən deputat Vüqar Bayramov deyib.

O bildirib ki, bir sıra ölkə və dairələr qərəzli mövqe tutmaqda davam edir:

“SSRİ hakimiyyəti zamanı Ermənistanda 170 mindən çox azərbaycanlı yaşayırdı. 1989-cu ildə isə Ermənistan statistikasında göstərilir ki, bu ərazilərdə bir azərbaycanlı belə yaşamır. 700 minə yaxın azərbaycanlı öz ata-baba yurdundan didərgin salınıb. 30 il müddətində 1 milyon azərbaycanlı etnik təmizləməyə məruz qalıb. Çox təəssüf ki, bununla bağlı ABŞ nə münasibət bildirdi, nə də qətnamə qəbul etdi”.