Beş dinin adətlərini yaşadan Kürmük və Baba Hacını nə birləşdirir?
“Qərbi Azərbaycan Xronikası” layihəsi çərçivəsində “Baba Hacı məqbərəsi – millətlərarası harmoniya simvolu” adlı veriliş efirə gedib.
Verilişdə qəribə inancın yaşadığı Qaxdakı “Kürmük Oba Bayramı” ilə Zəngəzurda olan Baba Hacı məqbərəsini (türbəsi) bağlayan adətlərdən söz açılıb.
Bildirilib ki, Qərbi Azərbaycanda bütövlükdə Qafqazın hər yerində olduğu kimi, türk izləri geniş yayılıb:
“Bu gün özünün Qafqazda tarixini qədim göstərmək üçün köçmə haylar qıpçaq xristian tarixini, mədəni irsini öz adlarına çıxarırlar. Ancaq gerçək birdir. Qərbi Azərbaycanda oğuzlar qıpçaqlarla bərabər yaşayıb və böyük irs yaradıblar.
Bu gün erməni etnoqraf və tarixçiləri Meğridə olan və yerli əhalinin Babəkin, onun həyat yoldaşının və anasının məzarı olduğuna inandığı Baba Hacı məqbəsinin erməni baba və azərbaycanlı Hacının məzarı olduğu yalanını tirajlayırlar. Əsl gerçək isə Babəkə və onun qıpçaq xristian qızı olan xanımına gedib çıxır”.
Verilişdə postsovet məkanı üzrə britaniyalı ekspert Maksim Edvardsın Baba Hacı məbədi haqqında yazdığı qeydlərə yer verilir. Onun yazdığına görə, ziyarətgahın yanında yaşayan azərbaycanlılar bu abidəni qoruyub, ermənilər isə vandallıq ediblər.
![icon](/images/loading.png)