Beynəlxalq Güc Mübarizəsinin Mərkəzində: Suriya Münaqişəsi Nəticələri! | GLOBAL PANORAMA

Baku TV-nin “Global Panorama” verilişinin yeni buraxılışı yayımlanıb.

Verilişin budəfəki sayında Suriyadakı dəyişikliklərdən bəhs olunub.

Bildirilib ki, 2011-ci ildən bəri davam edən vətəndaş müharibəsi nəhayət ötən həftə məntiqi sonluğuna çatıb. Suriyanın siyasi tarixində dərin iz buraxmış Əsəd ailəsinin 53, “Baas” partiyasının isə 61 illik hakimiyyətinə son qoyulub. 24 il əvvəl atası Hafiz Əsədin ölümündən sonra hakimiyyətə gəlmiş Bəşər Əsəd artıq prezident deyil. Onun ailəsi ilə birlikdə Rusiyadan siyasi sığınacaq aldığı bildirilir.

Əlavə olunub ki, ölkə rəhbərliyi üsyançı qüvvələrin nəzarətinə keçib. Bəşər Əsədin yaxın çevrəsi, o cümlədən Baş nazir Məhəmməd Qazi əl-Cəlali üsyançılarla əməkdaşlıq etməyə və hakimiyyəti dinc yolla xalqın seçəcəyi yeni liderə təhvil verməyə hazır olduqlarını bəyan edib. Bu, Suriyanın daxili siyasətində və beynəlxalq münasibətlərində yeni mərhələnin başlanğıcıdır.

Eyni zamanda Suriyanın Xarici İşlər Nazirliyi Suriya Milli Ordusunun paytaxt Dəməşqi ələ keçirməsini ölkənin tarixində yeni səhifənin açılması kimi qiymətləndirib. Suriyanın gələcəyinə dair böyük suallar isə hələ də cavabsızdır.

Yeni lider kim olacaq? Ölkədə sabitlik necə bərpa ediləcək? Bu dəyişikliklər regiondakı geosiyasi vəziyyətə necə təsir edəcək?