BMT-də Fransadan Azərbaycana qarşı addım

“Azərbaycanın sədrliyi dövründə Qoşulmama Hərəkatında bəzi institutlaşma prosesinə başlanılıb. Bütün bunlar bir daha sübut edir ki, Azərbaycan vacib təşəbbüslərlə irəli çıxıb”.

Bunu jurnalistlərə açıqlamasında Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev deyib.

O qeyd edib ki, Avropada Qoşulmama Hərəkatı barədə bəzi neqativ fikir formalaşıb. Bunun da müəyyən səbəbləri var: “Qoşulmama Hərəkatının əsas prinsiplərindən biri ora üzv ölkələrin heç bir hərbi bloka daxil olmamasıdır. Təşkilatın əsas fəaliyyət istiqamətlərindən biri də beynəlxalq təşkilatların və BMT-nin fəaliyyətini, ölkələrin ərazi bütövlüyünü dəstəkləməkdir. Biz praktiki cəhətdən də gördük ki, BMT-nin Təhlükəsizlik Şurasında Azərbaycana qarşı Fransa tərəfdən müəyyən cəhdlər var idi. Məhz Qoşulmama Hərəkatının üzvləri bunun qarşısını aldı”.