Bu, dünyada 3-cü kitabdır ki... | "Qərbi Azərbaycan irsi” kitabının təqdimatı keçirildi

“Qərbi Azərbaycan irsi: Ermənistanda azərbaycanlılara məxsus qəbiristanlıqların sistemli şəkildə dağıdılmasının nəticələri və beynəlxalq hüquq məsələrinə dair hesabat və materiallar” kitabının birinci cildinin təqdimat mərasimi keçirilib.

Tədbirdə Nərimanov Rayon İcra başçısı Elgin Həbibullayev, Qərbi Azərbaycan İcmasının İdarə Heyətinin sədri, “Qərbi Azərbaycan irsi” kitabının müəllifləri, millət vəkili Əziz Ələkbərli və Səbuhi Hüseynov, digər rəsmi şəxslər, ictimaiyyət nümayəndələri iştirak ediblər.

Qeyd olunub ki, kitab Ermənistan tərəfindən azərbaycanlılara məxsus izlərin silinməsi siyasətinə qarşı tarixi həqiqətləri dünya ictimaiyyətinə çatdırmaq baxımından mühüm əhəmiyyət kəsb edir.

Bildirilib ki, bu kimi elmi və sənədli nəşrlər beynəlxalq auditoriyada önəmli rola malikdir. Toplu dünyada belə bir metodologiya ilə nəşr olunan sayca 3-cü kitabdır.