Ceyhun Bayramov Qərbi azərbaycanlıların qayıdışından danışdı

“Təəssüf və təəccüb doğuran odur ki, qərbi azərbaycanlıların öz yurdlarına qayıdışını Ermənistanda ərazi iddiası kimi qəbul edirlər. Hətta Baş nazir Nikol Paşinyan bu mövzunun müzakirə edilməsini Ermənistanın milli təhlükəsizliyinə təhdid kimi qiymətləndirir”.

Bunu Azərbaycan xarici işlər naziri Ceyhun Bayramov dekabrın 28-də ilin yekunlarına dair mətbuat konfransında deyib.

“Hesab edirik ki, Ermənistan tərəfi sırf bu mövzuda da Azərbaycan kimi mövqe sərgiləyərsə, müsbət irəliləyişin şahidi ola bilərik”, – nazir qeyd edib.