Çox sevindirici haldır ki... | Pakistandan olan beynəlxalq müşahidəçilər prosesi izləyir

Bu gün Milli Məclisə növbədənkənar seçkilər keçirilir.

Parlament seçkilərində 125 deputat mandatı uğrunda 990 namizəd mübarizə aparır.

Beynəlxalq müşahidəçilər seçki prosesi ilə bağlı fikirlərini Baku TV ilə bölüşübər.

Bhatti Zulfiqar Ali bildirib ki, Azərbaycan və Pakistan həm dost, həm də qardaş ölkələrdir. Bu baxımdan məntəqələri gəzərkən seçici aktivliyini müşahidə etmək çox xoşdur:

“Günün sonuna qədər bir neçə səsvermə məntəqəsinə baş çəkəcəyik və əminəm ki, heç bir qanun pozuntusu ilə üzləşməyəcəyik. Bu seçkilərin xalqa, millətə, sürətlə inkişaf edən Azərbaycana düşərli olacağına şübhə etmirik”.

Xan Cam Seyfullahın sözlərinə görə, seçki prosesi çox yüksək səviyyədə gedir:

“Ümid edirəm ki, Azərbaycan xalqı öz layiqli nümayəndələrini seçəcək. Çünki demokratiyanın mahiyyəti elə budur. Seçkiləri müşahidə etmək məqsədilə Pakistandan buraya Azərbaycanın dostları kimi gəlmişik. Bu dəqiqələrə qədər seçkilərin çox azad və şəffaf keçdiyini müşahidə etdik. Başqa məntəqələrə gedib oradakı seçki prosesini də müşahidə edəcəyik. Ümumilikdə hər şey qaydasındadır”.