Deputat Zelenskinin Ermənistana gəlməsini niyə istəmir? | Artur Xaçatryan

“Volodimir Zelenskinin prezidentliyi dövründə Kiyevdə "Qarabağ Azərbaycandır" sözləri olan bannerlər asılmışdı. O, ərazi bütövlüyünün bərpası münasibətilə İlham Əliyevi təbrik edib”.

Bu sözləri müxalif “Ermənistan” blokundan olan deputat Artur Xaçatryan Ukrayna Prezidenti Volodimir Zelenskinin Ermənistana səfərini şərh edərkən deyib.

“V.Zelenski Ermənistana risk və təhlükədən başqa heç nə gətirməyəcək. Onun səfəri Ermənistana heç nə verməyəcək, boş yerə hansısa ölkə ilə münasibətləri gərginləşdirməyin nə mənası var? O günə qalmışıq ki, ümidimiz V.Zelenskiyədir? Onun Ermənistana niyə gəlməsinin məntiqli izahı yoxdur.

Düşünürəm ki, onun ölkəsində daha ciddi işləri var. Mən bir şeyi bilirəm ki, ərazi bütövlüyünü bərpa etdiyinə görə İ.Əliyevi təbrik edən şəxs Ermənistana girməməlidir”, – A.Xaçatryan bildirib.