Ərdoğan Moldovada keçiriləcək Avropa sammitinə qatılmayacaq

Türkiyə Prezidenti Rəcəb Tayyib Ərdoğan Avropa Siyasi Birliyi sammiti üçün Moldovaya getməyəcək.

Sammitə hazırlıqla məşğul olan 3 anonim şəxsin sözlərinə görə, dövlət başçısı son dəqiqələrdə fikrini dəyişib.

Qeyd edək ki, budəfəki sammitdə Avropa ittifaqının bütün üzv ölkələrindən, həmçinin Böyük Britaniya və Qərbi Balkanlar kimi Avropa ittifaqına daxil olmayan ölkələrdən 40-dan çox Avropa lideri iştirak edəcək.

Sammitin əsas məqsədi Avropa İttifaqından kənarda olan Avropa ölkələrini birləşdirməkdir. Liderlərin iyunun 1-də olacaq görüşü ötən ilin oktyabrında Praqada keçirilən ilk iclasdan sonra 2-ci görüş olacaq.