Ərdoğandan səsvermənin ikinci turu ilə bağlı açıqlama

Türkiyə Prezidenti Rəcəb Tayyib Ərdoğan prezident seçkilərinin ikinci turunda İstanbulda səs verib.

R.T.Ərdoğan və xanımı Əminə Ərdoğan səs vermək üçün Saffet Çebi orta məktəbinə gəlib.

Dövlət başçısı mediaya açıqlamasında bildirib ki, Türkiyənin yüzdə 90-ı demokratik mübarizədə iştirak edib:
“Türk demokratiyası tarixində ilk dəfə iki turlu seçki keçiririk. Burada heç bir partiya yoxdur, cəmi iki namizəd var. Xalqımız bu iki namizədə səs verəcəyi üçün səsvermə çox tez bitəcək. Biz prezident seçkilərində ilk dəfə belə səsvermənin şahidi olduq. Dünya tarixində 90 faizə qədər seçici fəallığı olan ölkə yoxdur”.