Erməni bloger separatçıları ifşa etdi: Elə bilirdim, yolu Azərbaycan bağlayıb

Erməni bloger Natali Aleksanyan sosial şəbəkə hesabında bəyan edib ki, Xankəndidəki xunta rejimi hər vasitə ilə Qarabağ ermənilərinin Ermənistana getməsinə mane olur.

Onun iddiasına görə, Ermənistana yollanan hər bir şəxsdən rejim tərəfindən 4000 ABŞ dolları məbləğində rüşvət tələb edilir. Bu barədə bloger “Facebook” səhifəsində yazıb.

“İndiyədək bizə deyirdilər ki, buradan çıxışı Azərbaycan bağlayıb. Amma indi məlum olur ki, Qarabağda özlərini “rəhbər” adlandıranlar yolu bağlayıblar. Onların məqsədi buradakı çarəsiz insanlardan böyük məbləğdə pullar qoparmaqdır. Hətta çətin günlərdə belə bu canilər milyonlar əldə etmək hərisliklərindən əl çəkmirlər. Mən burada hökm sürən qanunsuzluqdan get-gedə daha çox məyus oluram”, – deyə erməni bloger Natali Aleksanyan etirazını bildirib.