Ermənilərlə Xocalıdan sonra Bakıda görüş ola bilər

Prezident Administrasiyası martın 1-də Xocalı şəhərində keçirilən görüşün və martın 13-də təqdim edilən dəvətin davamı olaraq, Qarabağın erməni ictimaiyyətinin nümayəndələrini reinteqrasiya, həmçinin Qarabağda infrastruktur layihələrinin icrası məsələlərinin müzakirəsi məqsədilə aprelin birinci həftəsi Bakıda görüşün keçirilməsini bir daha təklif edir.

Xatırladaq ki, mart 1-də ölkəmizi təmsil edən nümayəndələr Xocalıda Qarabağ bölgəsində yaşayan etnik ermənilərlə görüşərək onların Azərbaycana "reinteqrasiyasını" müzakirə ediblər. Görüş Xocalıda "Azərbaycan ərazisində müvəqqəti yerləşdirilən Rusiya sülhməramlı kontingentinin qərargahında" keçirilib. Azərbaycanı Qarabağ bölgəsində yaşayan erməni sakinlərlə təmaslar üzrə məsul şəxs qismində müəyyən edilən Milli Məclisin üzvü Ramin Məmmədov təmsil edib.

Bu görüşün ardınca isə Prezident Administrasiyası növbəti danışıqların Bakıda keçirilməsi ilə bağlı Qarabağın erməni ictimaiyyətinin nümayəndələrinə təklif ünvanlayıb.