Ermənilərin "müharibə oyunu": uşaqlar silahlandırılır

Ermənilər istər Ermənistanda, istərsə də Azərbaycanın Qarabağ bölgəsində azərbaycanlılara qarşı nifrət hissi ilə yaşamağa davam edirlər. Üstəlik, əvvəllər də olduğu kimi, uşaqlarına azərbaycanlılara nifrəti təlqin edir və bizim xalqın nümayəndələrini necə öldürməyin yollarını öyrədirlər.

Belə ki, dünən bloger Qagik Arutyunyan öz “Facebook” səhifəsində Qarabağdakı erməni uşaqların “müharibə oyunu”nu əks etdirən video paylaşıb. Üstəlik, bu yeniyetmə “döyüşçülər” kamuflyaj, dəbilqə geyinib, əllərində silah tutub, separatçı rejimin qondarma atributlarını daşıyırlar.

Əlbəttə ki, video indi çəkilməyib, çox güman ki, ötən qış mövsümündə qeydə alınıb. Amma bu, məsələnin mahiyyətini dəyişmir. Videoda uşaqlara şəhər döyüşlərində necə hərəkət etməyi, təxribat, terror aktları törətməyin qaydaları öyrədilir. Sual ortaya çıxır: Kimə qarşı? Cavab aydındır.

Gördüyünüz kimi, ermənilər sülh dövrünə qədəm qoymaq istəmirlər. Həmçinin aydındır ki, azərbaycanlı uşaqların taleyinə münasibətdə olduğu kimi, erməni quldur dəstələri üçün erməni uşaqlarının həyatı da heç bir əhəmiyyət kəsb etmir.