Ermənilərlə görüşdə nələr müzakirə olundu?
Martın 1-də Milli Məclisin deputatı Ramin Məmmədov Xocalı şəhərində, Azərbaycanda müvəqqəti yerləşdirilmiş Rusiya sülhməramlı kontingentinin qərargahında Azərbaycanın Qarabağ bölgəsində yaşayan erməni sakinlərin təmsilçiləri ilə görüşüb.
Millət vəkili ermənilərlə görüşün detallarını açıqlayıb: “Görüşdə Qarabağ iqtisadi rayonunun erməni əhalisinin Azərbaycan cəmiyyətinə, Azərbaycanın sosial, iqtisadi və mədəni həyatına reinteqrasiyası ilə bağlı məsələlər və imkanlar, bu regionda sülhün bərqərar olması yolunda duran vəzifələr, habelə reinteqrasiya prosesinin sürətləndirilməsi üçün Azərbaycan tərəfinin təmin edə biləcəyi imkanlar müzakirə edildi. İclasda iştirak edən Qarabağın erməni icmasının nümayəndələri ilə müəyyən təmas yarandı. Təbii ki, sonrakı görüşlərdə müzakirə edilməli olan məsələlərin siyahısı kifayət qədər genişdir, lakin birincinin nəticəsi kimi görüşün, dialoqun reallaşdığını demək mümkündür. Bu gün biz əsasən humanitar məsələlərə toxunduq. Gələcəkdə bir sıra humanitar məsələlər həll edildikdən sonra biz irəli gedə və daha geniş formatda məsələləri müzakirə edə bilərik”.
#Qarabağ teqi istifadə olunub
- Özbəkistan səfiri Qarabağla bağlı təəssüratını bölüşdü - Baku TV
- Moldova səfiri Aleksandr Esaulenko bərpa-quruculuq işini yüksək qiymətləndirib - Baku TV
- Qarabağ səfərindən müsbət təəssüratlar alan tacikistanlı diplomat - Baku TV
- Xarici diplomatlar Xankəndidəki Zəfər parkını ziyarət ediblər - Baku TV
- Diplomatik korpus nümayəndələri Şərqi Zəngəzur və Qarabağda səfərdədir - Baku TV
