Ermənistan hələ də bu əməlindən geri dönmür | XİN vacib bəyanat yaydı

Xarici İşlər Nazirliyi 31 Mart – Azərbaycanlıların Soyqırımı Günü ilə bağlı bəyanat yayıb.

Bəyanatda faciəvi hadisələrin günahsız qurbanlarının xatirəsi dərin hörmət və ehtiramla yad edilib, azərbaycanlılara qarşı sistematik etnik təmizləmə və soyqırımı siyasətinin təfərrüatları və nəticəsi qeyd olunub:

“Hazırkı vaxtda hələ də Ermənistan konstitusiyası daxil olmaqla, bir sıra qanunvericilik aktlarında təsbit olunan Azərbaycana qarşı ərazi iddialarının qalması regionun sabit gələcəyi üçün ən böyük əngəl və narahatlıq mənbəyi kimi qiymətləndirilir”.

Bəyanatda o da qeyd olunur ki, Azərbaycan törədilən cinayətlərin günahkarlarının hüquqi məsuliyyətə cəlb edilməsi üçün milli və beynəlxalq səylərini davam etdirir. Ölkəmiz bölgədə dayanıqlı sülhün qurulması üçün Ermənistanın ərazi iddialarına son qoyulması tələbində qəti və dönməz mövqe nümayiş etdirir.