Ermənistan İranla bağlı nələri etməlidir? | Xamik Asryandan Ermənistana çağırış

“Ermənistanın müstəqil dövlətçiliyini bərpa etdiyi son 34 ildə İran onun qurulması və güclənməsinə kömək etmək üçün Ermənistana əsl dost əlini uzadıb”.

Bunu “Erməni Qartalları: Vahid Ermənistan” partiyasının sədri Xamik Asryan deyib.

Partiya rəhbəri bildirib ki, İran bu gün də Ermənistana dəstək prinsipi ilə çıxış edir:

“Ermənistan hökuməti bunları nəzərə alaraq İranla hərbi-siyasi ittifaqın yaradılmasına dair iqtisadi müqavilələr imzalamalı, İranı Ermənistanın həqiqi və təbii hərbi-siyasi dostu kimi qəbul etməlidir. Ardınca İrəvan İranla birlikdə Ermənistanda İran hərbi sənaye fabrikləri yaratmalıdır. Ermənistan İranın dəstəyi ilə dəniz və okeanlara çıxacaq.

Ən əsası İrəvan İranla sərhəddə yerləşən Zəngəzur dəhlizini qorumaq üçün Tehranın düşməni olan özəl ABŞ şirkətinin və faktiki olaraq Amerika Silahlı Qüvvələrinin kontingentinin Ermənistana daxil olmasını rədd etməlidir. Bəli, İran Ermənistanın əsl dostu, onun təbii hərbi-siyasi və iqtisadi müttəfiqidir”.