Ermənistan və ABŞ "Tramp marşrutu"nu müzakirə edəcək
“Tramp marşrutu” layihəsinin detalları Ermənistan və ABŞ nümayəndə heyətləri arasında əlaqələr, müzakirələr və danışıqlar zamanı dəqiqləşdiriləcək”.
Ermənistan mediasının məlumatına görə, bunu ölkənin xarici işlər naziri Ararat Mirzoyan jurnalistlərə açıqlamasında bildirib.
“Azərbaycan tərəfi ilə imzalanmış Vaşinqton Bəyannaməsində əks olunan ümumi razılaşmalar var. Burada kommunikasiyaların açılmasının hər iki ölkənin ərazi bütövlüyü, sərhədlərin toxunulmazlığı, suverenliyi və yurisdiksiyası əsasında qarşılıqlı fayda ilə baş verəcəyi göstərilir”, – o qeyd edib.
“Niyə görə Azərbaycandan fərqli olaraq sənəddə Ermənistanla bağlı bölmədə “maneəsiz keçid” ifadəsi yoxdur?” sualına A.Mirzoyan belə cavab verib:
“Maneəsiz keçid nədir? Onlarla konvensiya və beynəlxalq sənədlər var ki, Ermənistan həmin maneəsiz keçidlə bağlı öhdəliklər götürüb. Həm də yalnız Azərbaycanla bağlı deyil”.
Xarici işlər naziri həmçinin bu və digər məsələlərlə bağlı Ermənistan müxalifətinə qulaq asmamağı tövsiyə edib.
A.Mirzoyan onu da əlavə edib ki, Ermənistan sülh sazişinin imzalanması vaxtını və yerini müəyyən etmək məqsədilə Azərbaycanla məsləhətləşmələrə başlamağa hazırdır.
#Ermənistan teqi istifadə olunub
- Ermənistan azərbaycanlıların qayıdışına qarşı dura biləcəkmi? - AKTUAL GÜNDƏM
- Ərağçidən Azərbaycan-Ermənistan arasındakı prosesə reaksiya - Baku TV
- "Super silah"lar, yoxsa "metal yığını"? - Ermənistan Ordusunu nə gözləyir? | HƏRBİ XRONİKA
- Bakı-Moskva münasibətlərinin gedişatı | Saakaşvilidən qalmaqallı açıqlama | BİZDƏN NƏ DANIŞIRLAR?
- Gerçəklər üzə çıxdı: Ermənistandan Rusiyaya qarşı istifadə etmək üçün nə planlanır? | YEKUNLAŞDIRAQ
