Ermənistanla danışıqlarda son vəziyyət | Azərbaycanın irəli sürdüyü prinsiplər...

“Hazırda bölgədə daimi sülh və sabitlik yaradılması məqsədilə Azərbaycanın irəli sürdüyü prinsiplər əsasında Ermənistanla danışıqlar davam etdirilir”.

Bunu Milli Məclisin sədri Sahibə Qafarova parlamentin noyabrın 7-də keçirilən plenar iclasında çıxışı zamanı deyib.

Sədr vurğulayıb ki, göstərilən bütün təzyiqlərə, maneələrə, xüsusən bölgədən kənar qüvvələrin cəhdlərinə baxmayaraq, sülh gündəliyi Azərbaycanın səyləri ilə addım-addım irəliyə aparılır.

S.Qafarova bildirib ki, bu gün öz həyatının yeni dövrünü yaşayan Qarabağ və Şərqi Zəngəzurda bərpa və quruculuq işləri getdikcə daha geniş vüsət alır:

“Məcburi köçkünlərimiz doğma yurdlarına dönərək dinc həyata başlayırlar. Dövlət başçısı İlham Əliyev və Birinci vitse-prezident Mehriban Əliyeva müntəzəm olaraq bölgəyə səfərlər edir, aparılan işləri diqqətdə saxlayırlar”.