Fransa Ukraynaya qoşun göndərmək istəyir, Azərbaycanı isə... | Prezidentdən sərt çıxış
"Fransanın mövqeyi beynəlxalq birliyin mövqeyinə tamamilə ziddir. Fransa hökumətinin İkinci Qarabağ müharibəsinə və antiterror əməliyyatına münasibəti qeyri-adekvat oldu".
Bu sözləri Prezident İlham Əliyev Bakıda keçirilən "Parçalanmış dünyanın bərpası" mövzusunda XI Qlobal Bakı forumunda çıxış edərkən deyib.
Azərbaycan Prezidenti həmçinin Fransanın Evian şəhərində azərbaycanlı şair Natəvanın abidəsinə vurulmuş zərərdən də danışıb.
"Natəvanın abidəsinə qarşı vandalizmin dayandırılması üçün səfirliyimiz və digər kanallar vasitəsilə Fransa hakimiyyətinə, eləcə də Evian şəhər merliyinə yönəlik bütün tələblərimiz cavabsız qaldı. Sonra Azərbaycan tərəfi abidəni götürmək üçün icazə almaqda israr etməyə başladı, çünki bu, bizim üçün təhqir idi. Fransa kimi özünü “mənəvi lider” adlandıran ölkədə bu, çox vaxt qəbuledilməzdir. Bir neçə ay sərf etməli olduq ki, həmin abidəni Eviandan götürüb Parisdə, Azərbaycanın Mədəniyyət Mərkəzinin həyətinə gətirib orada yerləşdirək. Hazırda Natəvanın abidəsi oradadır", – deyə İlham Əliyev bildirib.
![icon](/images/loading.png)