Hansı ərazilərin mina xəritəsi təhvil verildi? | Açıqlama

Ermənistan Cəbrayıl, Zəngilan, Qubadlı rayonlarına aid çox az məlumatlar, mina formulyarları verib.

Bunu Azərbaycan Minatəmizləmə Agentliyinin İdarə Heyətinin sədri Vüqar Süleymanov 4 Aprel – Beynəlxalq Mina Xəbərdarlığı və Mina Təhlükəsi ilə Mübarizəyə Yardım Gününə həsr olunmuş mətbuat konfransında deyib.

Onun sözlərinə görə, bu yaxınlarda Kəlbəcər rayonunun Murovdağ silsiləsinə aid məlumatlar üzrə 8 formulyar təqdim edilib:

"Lakin bunun da dəqiqliyi çox aşağı idi. Ümumilikdə mina təhlükəsi ilə bağlı aparılan işlər göstərir ki, təmas xəttindən kənarda, içəriyə doğru ərazilərdə minalarla çirklənmə 70 faizdir. Bu onu göstərir ki, tək təmas xətti deyil, bütün ərazilərdə mina təhlükəsi var".