Hərbi ekspertdən Qarabağdakı erməni təxribatı ilə bağlı açıqlama

“Qanunsuz erməni separatçı dəstələrinin növbəti dəfə Qarabağ iqtisadi rayonu ərazisində müxtəlif artilleriya qurğuları toplaması və burada atəş mövqeləri inşa etməsi tamamilə qəbuledilməz bir addımdır”.

Bu sözləri Baku TV-yə açıqlamasında hərbi ekspert Ədalət Verdiyev deyib.

O bildirib ki, qanunsuz birləşmələr tərəfindən həyata keçirilən bu fəaliyyətlər Azərbaycan Ordusunu cavab atəşi açmağa təhrik etmək məqsədi daşıyır: “Bu fəaliyyətlərin qarşısını ən sərt şəkildə almalıyıq. Düşmənə mövqelərini möhkəmkəndirməyə imkan verməməliyik”.

“Erməni silahlılarının rusların gözü qarşısında bu fəaliyyətləri həyata keçirməsi Rusiya sülhməramlı kontingentinin bir daha öz funksional vəzifələrini yerinə yetirilməsinə tam məsuliyyətsiz yanaşdığını nümayiş etdirir. Hesab edirəm ki, Azərbaycan tərəfi artıq sülhməramlı kontingentin ərazilərimizdəki mövcudluğunu müzakirə masasına çıxarmalıdır”, – deyə hərbi ekspert qeyd edib.