Heydər Əliyevin tərcüməçisi qapalı görüşlərdən danışdı

Ümummilli lider Heydər Əliyevin şəxsi tərcüməçisi Tahir Kərimov Baku TV-yə müsahibə verib.

O bildirib ki, ulu öndərlə işləmək həm çətin, həm də məsuliyyətli idi.

Heydər Əliyevlə xatirələrini bölüşən T.Kərimov ümummilli liderin ABŞ-nin vitse-prezidenti Albert Qorla görüşdə göstərdiyi qətiyyətli mövqedən bəhs edib:

“Danışıq başladı. Heydər Əliyev Azərbaycanın mövqeyini ortaya qoydu. Albert Qor isə bildirdi ki, mövqeyiniz çox sərtdir. Ulu öndər dedi ki, mövqeyimin sərtliyi xalqımın düşdüyü vəziyyətlə izah olunur. Mənim 73 yaşım var. Öz xalqıma görə buradayam. Bir milyon qaçqınıma görə gəlmişəm. Bu sənəd imzalanmamış buradan getməyəcəyəm”.