Hikmət Hacıyev Əbu-Dabi görüşünün nəticələrini müsbət qiymətləndirdi

Azərbaycan və Ermənistan liderlərinin Əbu-Dabidəki görüşü Bakı tərəfindən konstruktiv və işgüzar əsaslarda keçirilmiş kimi qiymətləndirilir.

Bu barədə III Şuşa Qlobal Media Forumu çərçivəsində jurnalistlərlə söhbətində Azərbaycan Prezidentinin köməkçisi ‒ Prezident Administrasiyasının (PA) xarici siyasət məsələləri şöbəsinin müdiri Hikmət Hacıyev bildirib.

"Danışıqların əsas xüsusiyyətlərindən biri onların hər hansı vasitəçilər və ya üçüncü tərəflərin iştirakı olmadan keçirilməsi oldu", ‒ deyə H.Hacıyev qeyd edib.

"Biz hesab edirik ki, məhz belə bir format tərəflərə hiss edilən irəliləyişə nail olmağa imkan verir. Xüsusilə sülh sazişinin mətninin razılaşdırılmasında, həmçinin sərhədin delimitasiyası prosesində müsbət irəliləyişlər əldə edildi. Ümumiyyətlə, regional sabitliyin möhkəmləndirilməsi istiqamətində müsbət dinamika müşahidə olunur", ‒ PA rəsmisi əlavə edib.