Hikmət Hacıyev forum çərçivəsində keçirilən panel sessiyada çıxış edib - Baku TV

Azərbaycan Prezidentinin köməkçisi Hikmət Hacıyev Antalya Diplomatiya Forumu çərçivəsində təşkil olunan "Cənubi Qafqazda sülh, əməkdaşlıq və rəqabət" mövzusundakı panel sessiyada geniş məruzə ilə çıxış edib. Baku TV-nin məlumatına görə, Hikmət Hacıyev çıxışında regionun yeni geosiyasi mənzərəsi, Azərbaycanın sülh gündəliyi və Ermənistanla münasibətlərin tam normallaşması üçün atılan addımlar barədə beynəlxalq auditoriyaya ətraflı məlumat verib. O, regional nəqliyyat dəhlizlərinin açılmasının yalnız iqtisadi deyil, həm də təhlükəsizlik baxımından əhəmiyyətini vurğulayıb. Videoda Hikmət Hacıyevin xarici ekspertlərin suallarına verdiyi cavablar, Azərbaycanın suverenliyi və ərazi bütövlüyü çərçivəsində təklif etdiyi strateji yol xəritəsinin əsas bəndləri təqdim olunur.